តិរច្ឆានណាស់ ! រំលោភកូនស្រីបង្កើតរហូតនាងទ្រាំលែងបាន
ថ្ងៃព្រហស្បតិ៍ ទី២២ ខែធ្នូ ឆ្នាំ២០១៦ ម៉ោង ១៣:៥០ (22-12-2016 13:50)
សមត្ថកិច្ចនគរបាលស្រុករលាប្អៀរបានឲ្យដឹងថា ជនសង្ស័យជាឪពុកដែលត្រូវចាប់ខ្លួនឈ្មោះ លុន សារ៉ុន អាយុ៤១ឆ្នាំ ចំណែកកូនស្រីរងគ្រោះទើបតែអាយុ១៣ឆ្នាំ រស់នៅឃុំកើតហេតុ ។
ក្មេងស្រីរងគ្រោះបានរៀបរាប់ប្រាប់សមត្ថកិច្ចឲ្យដឹងថា នៅយប់កើតហេតុដំបូងម្តាយនាងអត់នៅផ្ទះទេ គឺនៅម៉ោងប្រហែល១០យប់ ថ្ងៃទី២៦ ខែមីនា ឆ្នាំ២០១៦ ខណៈនាងកំពុងដេកលង់លក់នៅក្នុងផ្ទះ ស្រាប់តែឪពុកបង្កើតរបស់នាងបានមកចាប់រំលោភនាងទាំងកំរោលរហូតបានសម្រេចម្តង ព្រមទាំងគំរាមនាងមិនឲ្យនិយាយប្រាប់អ្នកណាទៀត ។ លុះនៅវេលាម៉ោងប្រហែល១០យប់ ថ្ងៃទី២៨ ខែមីនា ឪពុករបស់នាងបានមកចាប់រំលោភនាងរហូតបានសម្រេចម្តងទៀត ។
ក្មេងស្រីរងគ្រោះបញ្ជាក់ថា លុះក្រោយៗមកទៀត ឪពុកបង្កើតរបស់នាងតែងតែគំរាម និងរំលោភនាងជាបន្តបន្ទាប់ លុះថ្ងៃទី៤ ខែធ្នូ ឆ្នាំ២០១៦ ឪពុកនាងគំរាមរំលោភនាងទៀត ធ្វើឲ្យនាងទ្រាំមិនបានក៏យករឿងរ៉ាវទាំងអស់ប្រាប់ម្តាយនាងឲ្យដឹងតែម្តង ។
សមត្ថកិច្ចបញ្ជាក់ថា បន្ទាប់ពីឮកូនស្រីប្រាប់ថា ឪពុកបង្កើតចាប់រំលោភ និងគំរាមរំលោភជាបន្តបន្ទាប់ ស្ត្រីជាប្រពន្ធក៏បានហៅប្តីមកសួរ ធ្វើឲ្យជនសង្ស័យភ័យរត់គេចខ្លួនទៅខេត្តពោធិ៍សាត់បាត់តែម្តង លុះដល់ថ្ងៃទី២០ ខែធ្នូ ស្ត្រីជាប្រពន្ធបានហៅបុរសជាប្តីឲ្យត្រឡប់មកផ្ទះវិញ ពេលមកដល់ផ្ទះក៏ត្រូវសមត្ថកិច្ចចាប់ខ្លួនតែម្តង ។
ក្រោយពេលចាប់ខ្លួន ជនសង្ស័យត្រូវបាននគរបាលស្រុករលាប្អៀរកសាងសំណុំរឿងបញ្ជូនទៅស្នងការដ្ឋាននគរបាលខេត្តដើម្បីចាត់ការបន្តតាមនីតិវិធី ៕
No comments:
Post a Comment