អាណិតណាស់ ! ស្លាប់យ៉ាងអាណោចអាធ័មបែបនេះ
ថ្ងៃចន្ទ ទី២៦ ខែធ្នូ ឆ្នាំ២០១៦ ម៉ោង ០៩:២០ (26-12-2016 09:20)
ខេត្តកំពង់ធំ ៖ សេចក្តីរាយការណ៍បឋមបានឲ្យដឹងថា បុរសម្នាក់បានស្លាប់យ៉ាងអាណោចអាធ័មខណៈបុរសនោះកំពុងដើរលើទ្រូវផ្លូវស្រាប់តែត្រូវរថយន្តបុកយ៉ាងពេញទំហឹង ។ ហេតុការណ៍នេះកើតឡើងកាលពីវេលាម៉ោង៤ និង៣០នាទីទៀបភ្លឺ ថ្ងៃទី២៦ ខែធ្នូ ឆ្នាំ២០១៦ តាមបណ្ដោយផ្លូវជាតិលេខ៦ ចន្លោះគីឡូម៉ែត្រលេខ១៧២-១៧៣ ស្ថិតក្នុងភូមិដូង ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ។
សេចក្តីរាយការណ៍បានឲ្យដឹងទៀតថា ជនរងគ្រោះមិនទាន់ត្រូវបានគេស្គាល់អត្តសញ្ញាណនៅឡើយទេ គ្រាន់តែដឹងថា ភេទប្រុស អាយុប្រហែល៤០ឆ្នាំ (ជាមនុស្សវិកលចរិត) សម្បុរខ្មៅ កម្ពស់១,៦០ម៉ែត្រ គ្មានសម្លៀកបំពាក់ (ស្រាត) ។ ចំណែករថយន្តក្រោយពេលកើតហេតុភ្លាមៗបានបើករត់គេចខ្លួនបាត់ ។
No comments:
Post a Comment