ប្រិយមិត្តមួយចំនួនដែលរៀបចំគម្រោងដើរកម្សាន្តលំហែកាយ ប្រាកដជាចង់សាកជិះរថភ្លើងគយគន់ទេសភាព តាមព្រៃភ្នំ វាលស្រូវ វាលស្រែ ស្ងប់ស្ងាត់តាមបែបធម្មជាតិលើផ្លូវដែក នឹងទៅដល់ទឹកដីឆ្នេរសមុទ្រស្រស់ស្អាត ខេត្តកំពត ឬខេត្តព្រះសីហនុ ។
ថ្មីៗនេះ បង Sabay បានធ្វើដំណើរ តាមរថភ្លើងទៅលេងខេត្តកំពតក៏បានសួរនាំបុគ្គលិករៀបចំមធ្យោបាយធ្វើដំណើររបស់ភ្ញៀវពីព័ត៌មានមួយចំនួន។ លោក ឡុង ជាបុគ្គលិកបម្រើភ្ញៀវ ផ្នែកលើកដាក់ម៉ូតូ-ឡាន លើទូរថភ្លើងបានប្រាប់ថា សម្រាប់តម្លៃសំបុត្រដាក់ម៉ូតូដឹកតាមរថភ្លើង ក្នុងមួយគ្រឿងគឺ ៥ដុល្លារ ចំណែករថយន្តក្នុងមួយគ្រឿងគឺ ១៤ដុល្លារ។ ដឹកពីរាជធានីភ្នំពេញ ទៅដល់ រ៉ារថភ្លើងខេត្តតាកែវ ខេត្តកំពត និងខេត្តព្រះសីហនុ។
ចំពោះសំបុត្ររថភ្លើងត្រូវរកទិញនៅស្ថានីយ រយៈពេលពី ពីរ ឬបីថ្ងៃមុន។ សេវាកម្មរថភ្លើងចេញដំណើរទៅកាន់ខេត្ត តាកែវ ខេត្តកំពត និងខេត្តព្រះសីហនុ តែនៅរៀងរាល់ថ្ងៃ សុក្រ សៅរ៍ អាទិត្យ និងថ្ងៃឈប់សំរាកធំៗ។ សំបុត្រសម្រាប់អ្នកដំណើរ គឺមានតម្លៃ ៦ដុល្លារ ពីភ្នំពេញទៅខេត្ត កំពត និង៧ដុល្លារ ពីភ្នំពេញទៅខេត្តព្រះសីហនុ៕
No comments:
Post a Comment